लुम्बिनी रिभ्यू
निर्वाचन आयोगले समानुपातिक प्रणालीतर्फको पनि मतगणना सुरु गरेको छ। प्रारम्भिक मतगणनामा समानुपातिकतर्फ पनि रास्वपाले अग्रता लिएको छ।
काठमाण्डू १ र मनाङमा प्रत्यक्षतर्फको परिणाम आएपछि समानुपातिक मत गन्न थालिएको हो। अपराह्ण ५ बजेसम्मको मतपरिणाममा रास्वपाले ११,५०० मत कटाएको छ।
दोस्रो स्थानमा धेरै मत पछि नेपाली कांग्रेस देखिएको छ। कांग्रेसले ३,६०० भन्दा बढी मत पाएको छ।
समानुपातिकतर्फ राप्रपा तेस्रो स्थानमा छ। उक्त पार्टीले १,७०० भन्दा बढी मत पाएको छ।
अघिल्लो निर्वाचनमा समानुपातिकतर्फ पहिलो बनेको नेकपा एमाले प्रारम्भिक गणनामा चौथो स्थानमा छ। एमालेले १,१०० मत कटाएको छ।
पहिलो पटक संसदीय निर्वाचनमा भाग लिएको श्रम संस्कृति पार्टीले समानुपातिकको प्रारम्भिक मतगणनामा नेकपालाई पनि उछिनेको छ।
