लुम्बिनी रिभ्यू
काठमाडौं । नेपाली कांग्रेसले पार्टीको आन्तरिक कारणले प्रतिनिधिसभा निर्वाचनमा पराजित भएको प्रारम्भिक निचोड निकालेको छ ।
जारी केन्द्रीय कार्यसमिति बैठकबीच सञ्चारकर्मीसँग कुरा गर्दै प्रवक्ता देवराज चालिसेले घात अन्तर्घातका कारण हारिएका क्षेत्र २१ सीट रहेको बताए ।
उनले पार्टीले पराजय भोगेको अधिकांश क्षेत्रको मतान्तरलाई हेर्दा पार्टीको आन्तरिक कारण देखिएको बताए ।
५ भोटदेखि ३ हजार मतान्तर हारिएको ठाउँ २१ क्षेत्र रहेको उनको भनाइ छ । ३ देखि ५ हजार मतान्तर रहेको क्षेत्रमा पनि अन्तर्घातसँगै चुनावी क्याम्पियन चलाउने प्रक्रियामा त्रुटि भए कि भन्ने प्रारम्भिक निचोड रहेको चालिसेले बताएका छन् ।
चालिसेले भने, ‘साढे ८ लाख क्रियाशील सदस्य रहेको पार्टीमा किन १७ लाखमात्र मत आयो ?’
