बुटवल उपमहानगरपालिका वडा नम्बर ११ को मतगणना स्थगित भएको छ ।
मतगणनाका लागि मतपेटिका जम्मा गर्ने बेलामा शिल तोडेर मतपेटिका खोलिएको र स्वस्तिक छाप भेटिएपछि विवाद उत्पन्न भएको थियो । विवाद बढेपछि गणना स्थगित भएको छ ।
निर्वाचन अधिकृत लेखनाथ पौडेलले अन्य वडाको मतगणना जारी रहेपनि उक्त वडाको रोकिएको बताए । उनले कपडाले अल्झिएर पेटिकाको शील खसेको हुनसक्ने भएपनि दलीय कार्यकर्ताहरुले विवाद झिकेको बताए ।