नम्रता अर्याल
बुटवल, पछिल्लो समय ए आई को प्रयोग बढ्दो छ । मानव जिवनको हरेक पक्षसंग जोडिएको यो कृत्रिम बौद्धिकताको सहि तरिकाले प्रयोग गर्ने हो भने राम्रो सहयोगी समेत बन्न सक्छ । यसै सन्दर्भमा आधारित रहेर लुम्बिनी प्रदेशका प्रदेश सभा सदस्यहरुलाई लक्षित गरि कृत्रिम बौद्धिकता अथार्त ए आई को उपयोग सम्बन्धी एक दिने अभिमुखीकरण कार्यक्रम बुटवलमा सम्पन्न भएको छ ।
लुम्बिनी प्रदेशका प्रदेशसभा सदस्यहरु एकै ठाउँमा उपस्थित भएर आइतबार कृत्रिम बौद्धिकताको उपयोग बारे सिकेका हुन् । कृत्रिम बौद्धिकताको उपयोग गरेर सांसदहरुको भूमिकालाई अझै प्रभावकारी बनाउने उद्धेश्यले अभिमुखीकरण गरिएको हो ।

संयुक्त रास्ट्रसंघीय बिकास कार्यक्रम संसद सहयोग परियोजनाको सहकार्यमा संचारिका समुह लुम्बिनीले सह आयोजनामा अभिमुखीकरण आयोजना भएको हो । कार्यक्रमको उद्धघाटन सत्रमा बोल्दै लुम्बिनी प्रदेश सभाका सभामुख तुलाराम घर्तिमगरले प्रदेश सभाका कामलाई छिटो छरितो र प्रभावकारी बनाउन प्रविधिको प्रयोगलाई जोड दिएको बताउनु भयो । उहाँले एआइको प्रयोगबाट प्रदेश सभा नीति, विधेयक र छलफललाई चुस्त बनाउन सघाउने बताउनुभयो ।

कार्यशालामा एआइको प्रयोग के केमा कसरी गर्ने भन्नेबारे सिकाइएको थियो । एआइबाट सुचना कसरी लिने, भाषणको तयारी कसरी गर्ने, सत्य र तथ्य कसरी पत्ता लगाउने, तिनको उपयोग कसरी गर्ने भन्नेबारेमा अभ्यास भएको थियो । यस्तै एआइ तस्बिर र भिडियो कसरी लिने, तिनको कसरी प्रयोग गर्ने, कस्ता विषय प्रयोग गर्न सकिन्छ र कस्ता विषय प्रयोग गर्न सकिदैन भन्नेबारेमा सिकाइएको थियो । कार्यशालामा बोल्दै लुम्बिनी प्रदेशका उपसभामुख मेनुका खाँड केसीले कार्यशाला प्रभावकारी भएको बताउनु भयो । आगामी दिनमा प्रदेशसभामा ए आई को प्रयोग गरेर सांसदहरुको भूमिका अझै प्रभावकारी हुने उहाले सुनाउनु भयो ।

पछिल्लो समय एआइ अर्थात बौद्धिक कृत्रिमताले सामान्य व्यक्तिदेखि सामाजिक र राजनितिक व्यक्त्तिलाई समेत विभिन्न किसिमले सघाइरहेको छ । प्रशिक्षक प्रवेश सुवेदीले यस्तोमा प्रदेश सभा सदस्यहरुलाई सदनमा नीति, ऐन, कानुन र सार्वजनिक भाषण प्रभावकारी बनाउन सिकाइएको बताउनुभयो । संचारिका समूह लुम्बिनीका अध्यक्ष अमृता अनमोल, महासचिव माया केसी र सचिव रिया वस्नेतले च्याट जिपीटीमा सुचना र नतिजा खोज्न सिकाउनुभएको थियो । अभिमुखीकरणमा संचारिका समूह लुम्बिनीका अध्यक्ष अमृता अनमोल, महासचिव माया केसी र सचिव रिया वस्नेतले च्याट जिपीटीमा सुचना र नतिजा खोज्न सिकाउनुभएको थियो । कयुएनडिपीको संसद सहयोग परियोजनाका अनु प्रसाइ लामाले प्रदेश सभा सदस्यहरुले कसरी ए आईको प्रयोग गरी दैनिक गर्नुपर्ने कामलाई सहज बनाउन सकिन्छ भन्ने सिकाइको लागि यो अभिमुखीकरण सहयोगी हुने बताउनुभयो ।