लुम्बिनी रिभ्यू
काठमाडौँ । मेडिकल व्यवसायी दुर्गा प्रसाईँ रिहा भएका छन् ।
डा. नहकुल सुवेदी र श्रीकान्त पौडेलको संयुक्त इजलासले थुनामुक्त गर्न आदेश दिएपछि आइतबार प्रसाईँ रिहा भएका हुन् । प्रसाईँका छोरा निराजनले बन्दी प्रत्यक्षीकरणको रिट दायर गरेका थिए ।
अभिव्यक्तिलाई लिएर मात्र प्रसाईँलाई पक्राउ गरिनु संविधान प्रदत्त अभिव्यक्ति स्वतन्त्रता समेतको स्वेच्छाचारी उल्लङ्घन हुने अदालतको आदेशमा भनिएको छ ।
यसैविच सरकार र प्रसाईँसमूहबिच वार्ता हुने भएकाे छ । वार्ताको समय भने तोकिएको छैन ।
शनिबार सरकार र प्रसाईँ पक्षबिच आज(मङ्सिर ७) हुने भनिएको आन्दोलन फिर्ताको सहमति भएको थियो । यस्तै प्रसाईँले यसअघि प्रस्तुत गरेका २७ बुँदे मागका सम्बन्धमा प्रसाईँसँगै वार्ता हुने सहमति पनि भएको थियो ।
